Мен Нәзір Төреқұлов мектебінің оқушысымын. Мектебімнің ұстаздары білімді, тәжірибелі және шыдамды. Олар бізге тек білім ғана емес, сонымен қатар өмірге қажетті маңызды сабақтарды да үйретеді.

Достар, сендер Нәзір Төреқұловтың кім екенін білесіңдер ме? Ол – қазақтан шыққан алғашқы елші.  Өте білімді болған, 8 тіл білген.

Біздің мектептің оқушылары  өте адал дос және бір-біріне үнемі қолдау көрсетеді. Біз мектепте спорт және басқа да іс-шараларға белсенді қатысамыз. Мектебіміз заманауи кабинеттер, кітапхана, спортзал және басқа да қажетті құрал-жабдықтармен қамтылған. Мен Нәзір Төреқұлов атындағы мектебімді мақтан тұтамын және оның дамуына үлес қосуға тырысамын. Өйткені, мектебім – менің екінші үйім, ол маған өмірге жол көрсетіп, білім беріп отыр.

Нәзір Төреқұлов мектебім – алтын ұям,

Өзіңнен нәр аламын, білім табам.

Ұстаздарым білімді, тәжірибелі,

Апайлармен осылай мен мақтанам.

Бекнар БАҚБЕРГЕНҰЛЫ